Rev. Shyam
Manandhar

जेनिफरको यस पुस्तकले जीवनका गहिरा पीडा, चूर्णता र संघर्षहरूलाई ईमानदार रूपमा प्रस्तुत गर्दै परमेश्‍वरमा राखिएको आशा, निको पार्ने शक्ति र रूपान्तरणको गवाही दिन्छ । यसले बाल्यकालको दुःख भोगाइ, दुर्व्यवहार, गर्भपतन र अक्षमाशीलता जस्ता संवेदनशील विषयहरू उत्थान गर्दै आफ्ना पाठकलाई जीवनको नयाँ उद्देश्यतर्फ अग्रसर हुन प्रेरणा दिन्छ । उहाँको जीवनीले धेरै जना व्यक्तिको हृदयलाई निको पार्ने काम गरेको छ । उहाँको जीवन अध्ययन गर्न तपाईंलाई स्वागत गर्दछु ।

यस पुस्तकले थेसलोनिकीको पत्रको सन्देश बुझ्‍न सहायता गर्छ । चर्चका स्थापक र विश्‍वासीहरू बीचको गहिरो प्रेम, सरोकार र समर्पणतालाई स्पष्‍ट र सटीक रूपमा वर्णन गरिएको छ । यस पुस्तकमा ऐतिहासिक पृष्‍ठभूमि र त्यस समयको परिस्थितिलाई सही किसिमले चित्रण गरिएको छ । साथै यस पुस्तकले केही हदसम्म पावलका अन्य पत्रहरूको अध्ययनमा पनि सहायता पुर्‍याउँछ ।

मत्तीको सुसमाचार गहन् रूपमा अध्ययन गर्न चाहने प्रत्येक व्यक्तिको निम्ति यो पुस्तक सहयोगी बन्‍न सक्छ । यस पुस्तकमा यहूदी परम्परा, ऐतिहासिक पृष्‍ठभूमि, चालचलन र त्यस समयको परिस्थितिलाई सही रूपमा चित्रण गरिएको छ । जसले मत्तीको सन्देश सही किसिमले बुझ्‍न सहायता गर्दछ । साथै यस पुस्तकले सहदृष्‍टि सुसमाचारको अध्ययनमा पनि सहायता गर्छ ।